بنحبك ماما عزة بجد بقلم الشاعر يوسف أبو شادى

تحية لماما عزة أبو العز
وأطفالها الحلوين والحلوات
أبطال وبطلات ونجوم ونجمات المستقبل
إهداء من الشاعر : يوسف أبو شادى 

بنحبك ماما عزة بجد
بنحبك ماما عزة كتير
بنحبك ماما عزة بجد
علشان كلنا عندك واحد
وما فيش حد احسن من حد
وعد يا ماما نكون شاطرين
فى المدرسة ونكون ناجحين
وما نزعَّلش لماما وبابا
علشان كده هانكون حلوين
واما هانكبر نصبح علما
ومخترعين
ونشيل مصر جوا عيونا
وجوا قلوبنا
ونكون أبطال وقت الجد
بنحبك ماما عزة بجد
هانذاكر وننمى عقولنا
ونشجع كلنا أبطالنا
وهانحترم اللى اكبر منا
وهانحترم اللى يعلمنا
وهاندعى لمصرنا فى صلاتنا
فى جمعة وحد
ونخليها بعلمنا تعلا
وتعلا وتعلا لابعد حد
بنحبك ماما عزة كتير
بنحبك ماما عزة بجد
فينا اللى هايعمل سيارة
وفينا اللى هايعمل طيارة
وفينا اللى هايطلع فى الصاعقة
ويحمى بلدنا بكل جسارة
وزى أباءنا ما حرروا سينا
وزى جدودنا ما بنوا للسد
أحنا هانبنى واحنا هانحمى
مصر بكل شجاعة وجد
بنحبك ماما عزة كتير
بنحبك ماما عزة بجد
*******

رد الأستاذة عزة على الأطفال
شكرا شكرا أسعدتونا
أهلا أطفالنا الحلوين
أهلا مينا وأهلا أحمد
أهلا يا ماريا وياسمين
شرفتونا وفرحتونا
وبنحبكوا علشان شاطرين
بنحبكوا مانتم أبطالنا
وكمان فى المدرسة ناجحين
وأنتوا اللى هاتحمولنا بلادنا
ويطلع منكم مخترعين
بنحبكوا علشان بتصلوا
فى كل أدان
فى كنيسة ومسجد
واللى يفوز منكم بجدارة
ع الأرض بيسجد
بنحبكوا علشان بتكافحوا
وبتحبونا وتحترمونا
ورغم نجاحكم متواضعين
شكرا شكرا أسعدتونا
وفرحتونا وشرفتونا
شكرا أطفالنا الحلوين
يوسف أبو شادى
22 / 8 /  2017